Jeana揀男友首重口技

何佩瑜（Jeana）前晚打碟時自爆鍾情高大夠Man兼識溝通的男士，笑言對象要「人口合一」，暗示操普通話的沈志明並非自己杯茶！

有「寸嘴o靚模」之稱的Jeana，前晚以低胸性感打扮到夜店打碟。提到有指最近合作新片的沈志明偷看她，Jeana自言只愛擅於溝通的男士：「我鍾情講廣東話同英文嘅男仔，自己唔太識身體語言，最好仲要高大夠Man同識溝通，「人口合一」！（多唔多人撩同你做『人口』普查？）我有幾頭住家，包括我男友、自己屋企同我朋友屋企！好在男友唔介意我有朋友屋企呢頭住家，因為佢都識我朋友。有咁多頭住家，啲男仔冇咁容易搵到我做！」似乎暗示與只操普通話的沈志明無緣發展。

張栢文想搵個伴

同場的張栢文指姊姊張栢芝現時心情不錯，問到會否介紹男士給她？他說：「我都想搵個伴！（佢對婚姻恐懼？）唔開心肯定有，但冇影響太多。（家姐忙狂搵銀？）每個人都有自己工作。」他還透露媽咪也擔心栢芝，有幫手照顧兩名孫兒，但最近卻少見Lacus。栢文笑言傳媒一定想姊姊盡快有新歡，可以有新聞題材。