田蕊妮爆薛凱琪好Dry
田蕊妮與歐錦棠等昨日出席劇集《誰家灶頭無煙火》謝灶拜神，阿田表示該劇煞科後將有一日假期，預料屆時要閉關熟讀新劇劇本，未能跟老公杜汶澤拍拖：「佢呢排忙住咀Fiona（薛凱琪），幾幸福，我咀第二個感覺都會唔同啲啦！（阿澤會伸脷咩？）呢個真係要問佢，如果佢伸脷，Fiona實咬斷佢！之前我都探過班，Fiona仲攬住我係咁錫，我諗佢呢排一定好Dry，好耐冇錫過人喇！」另外，同場的劉俐對於被指與何超盈夜蒲時，被霍啟山「霸場」而不快，她直言當晚只逗留半小時，食飽「早餐」便離開，對事件不知情，還指場內看不見啟山。
