袁詠儀孤寒老公禁啜女

王敏德前晚攞正牌連環獻吻，期間更咀了袁詠儀（靚靚）四次，靚靚直認是醋埕，如果老公咀女仔的話一定呷醋！她還教兒子魔童唔靚唔咀，豈料他無師自通，自認見到靚女會流口水！

演員王敏德舉行自家品牌活動，並別開生面地親自駕駛直升機，接載靚靚袁詠儀、名模周汶錡、Lisa S.及陳嘉容等到達現場。向來與王敏德老友鬼鬼的的袁詠儀，甫到場即與他咀嘴勁親熱，更先後共咀四次！王敏德全晚「口不停」，除了咀靚靚外，余安安及胡敏珊等也照咀，最後才跟老婆馬詩慧上演溫馨一吻！提到被咀四次，靚靚笑言不怕馬詩慧呷醋：「呢啲係西方禮儀，都幾Enjoy o架！靚仔怕咩嘢！我都試過喺老公（張智霖）面前咀，但佢未試過喺我面前咀另一個女仔，以我呢個醋埕一定會呷醋！」

爆魔童見女流口水

問到會否教兒子「魔童」咀功，靚靚說：「我教佢唔好亂咁咀，教佢真係愛同靚先好咀！（佢肯咀你？）佢每日要咀過我，我先至安樂！初時係強迫，想養成親密關係。（教佢點揀靚女？）唔使我教！佢同我講過：『媽咪，我見到靚女會流口水！』」還爆兒子現有三歲女朋友，甚有夫妻相：「我唔會阻止佢正常戀愛。（擔心將來有女友唔黐你？）係定律，你睇我老公就知啦！第時千祈唔好同我住！」

至於咀不停的王敏德笑言已向老婆取得准許證：「佢畀咗Permit，同埋Re-entry Visa，即係我可以返到屋企！」他指建立品牌來創立家族事業，待女兒長大後打理。