楊紫瓊恨贏奧斯卡影后
對於主演的新片《The Lady》有機會入圍奧斯卡，楊紫瓊昨晚出席活動時開心不已。至於會否憑片中飾演緬甸反對派領袖昂山淑姬贏影后？她說：「咁你哋要不停幫我許願，希望夢想成真。（昂山知唔知可能入圍奧斯卡？）佢知道，但暫時唔會去到戲院睇，因為連我都入唔到境，好想部戲可以喺當地（緬甸）上映。」
另外，剛在威尼斯電影節封后的葉德嫻表示，獲獎後不覺得多了出席活動，今晚來參加派對主要是與負責的公關老闆稔熟。當追問酬勞有否增加？她說：「差唔多，我今晚嚟參加派對，唔係賣。」對於近期遭雜誌翻舊帳指行為奇特，她說：「我唔睇八卦雜誌，冇益嘢，我驚學壞，自己唔係八婆！（介意？）唔知佢哋寫乜，所以唔知道亦唔會理。」反而日前買衫被追訪，她不覺被打擾，更自言見回不少傳媒朋友：「佢哋着人字拖，仲要飛簷走壁，好擔心佢哋畀車撞倒！」
楊紫瓊憑昂山淑姬一角，有望力爭奧斯卡影后。
楊紫瓊
戒指$218,000
頸鏈$5,750,000
耳環$2,300,000
葉德嫻雖被翻舊帳，但她表示不介意。