Rainbow暗寸o靚模整容冇膽認

o靚模胡心諾（Rainbow）及周梓盈（Ice）日前擔任模特兒大賽嘉賓，進入最後十強的模特兒可獲贊助整容及隆胸療程。兩人坦言若整容一定會承認，暗寸有些o靚模敢整卻冇膽認！

日前Rainbow及Ice為美學中心模特兒大賽擔任嘉賓，指導進入最後十強的參賽者拍硬照技巧，這十強將經歷個半月大改造，期間可獲贊助整容及隆胸療程，Rainbow直言諗過整容：「呢一行要上鏡，梗係想塊面瘦啲！只要整得靚同自然就冇問題，我如果做得出就唔怕認！」最後十強下月會再分高下，決賽更請來谷祖琳及著名時裝設計師張學潤（Nelson）做評判。

建議走狂野路線

最後十強在四十多名參賽者中脫穎而出，勝出者除代言美學中心，亦有機會加入Rainbow及Ice公司成為其師妹。她們各自揀了心水人選，Rainbow睇好戴和君（Vivi），Ice則力撐麥欣童（Sue）可走狂野路線：「好多香港女仔都Sell甜美，佢個髮型都幾Wild，可以試吓走狂野路線！」至於要「改造」的地方，Ice認為Sue的鼻頭不夠尖，可考慮植入透明質酸，她表示想打Botox，五官則毋須改善，對自己外貌充滿信心！

造型：Dr. Renew專業醫生美學中心