白健恩教李悅彤舞功讚有Potential

香港先生白健恩與新人李悅彤（Liddy）等合演輕鬆喜劇《搞乜鬼開學禮》，首次參演舞台劇的Liddy大呼緊張，幸得劇中各「資深」前輩教路，令她放心不少。因是次有不少舞蹈滲透其中，令舞蹈零底子的Liddy加添一定的難度：「挑戰性更大。（驚？）驚都冇用啦！惟有練習多啲！」而身為舞蹈老師之一的白健恩，大讚「徒弟仔」有潛質：「佢Pick up得好快，練咗不足一個月已經跳得好好！」劇中飾演他們另一半的曾仲軒及蔡淑芬，與兩人跳起舞時亦甚具默契，身為當中唯一新人的Liddy明白到舞台劇與拍劇的分別甚大：「今次同拍劇真係好唔同，所有嘢都要一Take過，仲可以練埋中氣同埋點用丹田發聲，真係要向所有前輩學習！」

白健恩與蔡淑芬練舞，默契十足。

李悅彤與曾仲軒合作舞台劇，獲益良多。