羽翹搵羅力威譜戀歌
跟「星光幫」羅力威鬧緋聞鬧得熱烘烘的羽翹，早已表明即使拍拖亦會死口不認，新歌MV絕不會找緋聞男友亮相，以免被搶鏡。
歌手羽翹即將推出第二隻廣東碟，愛寫歌的她今次亦寫了3首作品，每首歌都跟愛情有關。雖然她與緋聞男友羅力威的戀情傳得很真實，更被拍到手拖手行街，但問到新歌MV會否請這位「男友」擔任男主角？她顯得不情願地說：「盡量都唔會主動搵佢，因為驚佢會搶晒我鏡！同埋我哋兩個拍埋一齊嘅時候，大家就唔會留意我嘅歌，焦點會變咗我同佢兩個！」不過，她坦言想找對方為她寫歌，而且要求不多，只需好聽便可：「佢依家忙緊自己出碟嘅嘢，等佢忙完，我會搵佢幫我寫歌！」
怕緋聞影響發展
羅力威一向予人沉默寡言的感覺，但羽翹直言跟他非常投契：「我哋都幾多共同話題！因為我哋都好鍾意音樂同電影，傾偈多數講呢兩樣嘢！」說罷，她再次表明，即使拍拖都不會公開承認，因為不想有任何負面新聞影響對方。
一向愛創作的羽翹，今次在新碟親自寫了3首作品。
羽翹即使拍拖亦不打算公開，以免影響另一半。
羽翹坦言，待羅力威一有時間，即找對方為她寫歌。