JM七年之癢想分手

文詠珊近日受七年之癢困擾,與男友感情轉淡,因未有新目標而不急於抉擇。雖然在日本工作期間被搭訕,但她認為對方不夠英俊而拒絕。

文詠珊(Janice Man)昨日出席ANTEPRIMA時裝活動,對於有傳與男友感情亮紅燈,她承認出現問題,被問到與男友是否仍是拖友?她說:「都唔知算唔算,大家關係都算Close,依家工作好忙,順其自然,最大問題係太耐,拍咗拖七年。(七年之癢?)唔知係咪,我都係第一次拍咁長。」至於有否想過結婚?她說:「結婚太遠,想專注事業,靠自己。」又表示現在沒有追求者,所以不急於決定感情的去或留。JM又透露剛去了日本拍攝秋冬時裝,但天氣又熱又曬:「焗到生熱痱!(有冇艷遇?)喺機場有個男人問我係咪日本人,我話唔係,因為對方唔靚仔,跟住冇再理佢。」

陳嘉桓室友撞鬼

同場的陳嘉桓(Rose)表示最近忙於拍驚慄片,問到曾否撞鬼,她說:「自己未試過,可能我陽光氣息重,之前公司安排咗間屋畀我同另一個女仔住,個女仔話佢畀鬼壓,隻鬼話冇嘢食,後來拜咗神就冇事。」

名人組

提到與男友的感情轉淡,JM支吾以對,似乎仍未決定感情的去留。

陳嘉桓(左起)、馬詩慧及王曼喜一同欣賞時裝騷。

天橋上的Alice B.有型有款,散發獨特魅力。