老公Chilam：愛佢全部！

由拍拖到結婚十多年，張智霖（Chilam）與袁詠儀（靚靚）這一對，一直被公認是女愛男多於男愛女，當年更有指是靚靚主動追求，Chilam聞言笑說：「有乜咁奇！」至於靚靚有甚麼優點吸引他，Chilam繼續「玩嘢」：「諗唔到喎！外表啦！（欣賞佢嘅改變？）每個人都會有改變，亦即係成長，無論係變好或變壞，只要我係愛佢，我都會接受，愛一個人，唔會因為佢變壞而唔愛，唔愛一個人亦唔會因為佢變好而愛，愛一個人係應該愛佢全部，唔會因為佢變肥變醜而唔愛。」

對於太太的過去，Chilam表現出量度，包容靚靚曾被照顧的事實，但他覺得根本不存在包容這回事：「我自己都有過年少輕狂嘅歲月，試問邊個冇姦淫擄掠過？冇嘅至可以攞塊石頭掟我！咁點解我唔開心咁生活呢？」他覺得包容不能用於人類身上，只有聖人才有資格。

現時Chilam一家三口樂也融融，只是靚靚經常掛在嘴邊希望追個女，Chilam笑說：「魔童咁好，喺呢方面我覺得已經攞滿分，點解仲要冒險去博，冇保證喎！萬一佢嚟攞債咪死？美艷不可方物又驚，醜到無倫我又會擔心！依家滿分，唔好太貪心喇！雖然係冇計劃，但順其自然啦！」