林欣彤（Mag）與緋聞男友胡鴻鈞昨日繼續以情侶檔姿態到奧海城出席活動。Mag笑言二人已「N次」拍拖更開工，但不知酬勞有否加碼：「我哋唔介意情侶檔，只要有得唱歌就得！（有冇人搵你哋合唱？）暫時冇，都想o架！」她又透露中秋節當日亦會與胡鴻鈞在節目中共度，晚上則變回「單身寡女」：「冇男性朋友約我賞月，得阿爸同細佬咋！」問到是否被緋聞影響「行情」？她斷言否認，胡鴻鈞聞言即踢爆她大把仔追：「不過啲人唔敢表白！」
林欣彤與胡鴻鈞以情侶檔姿態搵銀，長做長有。
