法拉笑住睇自己「慘死」
徐子珊、黃宗澤（Bosco）和陳法拉等前晚出席劇集《潛行狙擊》結局宣傳。飾演情侶的子珊及Bosco在台上被主持以黃生、黃太稱呼，子珊笑言黃太另有其人。而眼淺的子珊看見劇中被Bosco槍殺一幕時落淚，事後她大呼好慘：「最衰係Bosco，喺台上無啦啦話我易喊！（係咪你頭先玩佢遭報仇？）我都係搞氣氛啫！其實嗰場戲個角色好慘，所以睇番就會感觸，會諗起拍嗰時嘅情況。」而法拉的結局亦同樣以死交代，但她笑住睇，與子珊的反應完全不同，她說：「我係演員識得抽離，係子珊入戲啫！」
至於劇中與狄易達有不少對手戲的新人章宇昂，則自稱演技幼嫩，尚有進步空間。此外，《潛》劇暫成為本年度收視最高的作品，明日會舉行祝捷會。
黃宗澤（右起）、子珊、法拉和天華齊睇《潛》劇結局。
與子珊合作《潛》劇的章宇昂，自言演技尚有進步空間。