婷婷聳肩懶理「過氣阿嫂」
謝婷婷前晚出席Fiat 500 by Gucci活動，真空上陣的她，被問到怕不怕心口鈕釦爆開？她尷尬地反問：「咁梗係啦！唔係可以點？（驚爆鈕？）唔驚，做足安全措施！」雖然她看來淡定，但近日有傳她拍戲時因緊張而狂NG，她例牌否認：「人哋講啫！」剛過生日的她，更已落訂購買逾30萬元的新車，問到是否男友安志杰所送？她說：「唔係，新車要到聖誕節先有貨，係自己嘅聖誕禮物！」愛錫男友的她，似為男友慳住荷包。
明日中秋節，問到會否跟姪兒Lucas及Quintus一起過？婷婷表示不知道，但可能會跟媽咪狄波拉歡度。而對於最近「過氣阿嫂」張栢芝與Lucas母子檔的新片上映，可惜有指首日票房不理想，以及栢芝被封為最沒有價值演員，她說：「我冇睇嗰套戲！」更聳聳肩表示對傳聞不知情。
身材平平無奇的婷婷真空上陣，展現另一種美態。
婷婷快快手試新車，果然咪執輸。