陳靜願為真愛犧牲
無綫小生馬浚偉及陳靜（DaDa）昨日出席《上水廣場 廚神出馬慶中秋》活動，對於樂隊Mr.鼓手Tom與「陽光妹」Leanne奉子閃婚，DaDa大讚他們勇敢：「好勇敢！不過我唔評論太多，佢哋面對好多壓力，我想講Evelyn（Tom舊愛）今次處理得好好！（你會為愛情而放棄事業？）目前工作第一，如果遇到真愛，我一樣可以咁大方o架！」另外，她前晚出席電影謝票活動時表示，不信拍檔Jeana搶戲，她說：「之前宣傳寫真集，可能有啲誤會，大家溝通咗，已經冇嘢！拍戲時當佢朋友，拍完都當佢朋友！」
另一邊廂，對於有傳無綫高層樂易玲被重金挖角，馬浚偉說：「去到佢呢個位唔係咁易變動，TVB係上市公司，制度健全，唔係話變就變！（你同樂小姐磨合有困難？）我係簽畀TVB，唔係簽畀一個人！我傾續約過程中亦同好多高層接觸過，我純粹睇工作，唔係睇個人！」
陳靜悉心打扮，狀態不錯。
馬浚偉餵陳靜Eat Eat，小心粉絲呷醋喎！
陳靜（左）前晚出席電影謝票活動，落力宣傳。