Angelababy中秋嗒硬曉明

明日中秋節，有工作在身的o靚模始祖Angelababy未能與男友「海綿蛋糕」黃曉明歡度，但表示一定會嗒「Cake」解相思！而o靚模徐熙素及林宜芝，前者找男友團圓，後者則為喼弗忍口。

前晚Angelababy（楊穎）穿上自家設計的黑色透視新裝，以設計師身份出席I.T旗下品牌b+ab於上海半島酒店舉行的2011秋冬發布會，時裝騷以她設計的系列打頭陣，而她亦施放黑Bra誘惑，大賣性感。

全晚最風騷的Baby透露，明日中秋節要在工作中度過，目前正拍攝古裝武俠片，由於有打鬥場面，曾拍至中指未能屈曲。與黃曉明拍拖近兩年的她，曾以「海綿蛋糕」（意指曉明大哥）暱稱對方，隨着戀情浮面，問到「蛋糕」於中秋佳節將變「Lonely Cake」（孤獨蛋糕），Baby即叫經理人Kim解圍，Kim說：「中秋節梗係食月餅啦！做乜食蛋糕？」Baby只附和：「係呀！食月餅呀！救命呀！」再問Baby是否不吃月餅，只想吃「蛋糕」？她即說：「中秋節一定食Cake（蛋糕），係Mooncake（月餅）。」又表示會送月餅給曉明。

設計透視裝會男友

問到升呢做設計師的Baby，會否設計男裝給「蛋糕」？她甜笑說：「我能力冇咁強，今次個系列有好多皮革。（點解有透視？）生活如果成日太密實就冇特別，有時去特別場合，好似朋友生日、Meet（相約）吓男友時都可以特別啲。（Meet『蛋糕』你都會特別啲？）我有好多靚衫，嚟活動着得特別啲，可以若隱若現。（佢睇過你啲設計？）冇！」

席間，Baby獲獻花兼主持其系列新裝的謝幕，她坦言緊張：「第一次以謝幕身份上台，真係有啲腳震，之前參考過其他設計師嘅甫士。第一次唔係以Model身份行台，真係爽呀！」

吳辰君拒為超蓮作媒

同場嘉賓還有台灣女星吳辰君、輕露「事業線」的內地藝人張馨予和田原等。吳辰君與賭王何鴻燊千金超蓮熟稔，常透過微博交談，她大讚超蓮乖女：「超蓮去台灣都會搵我。」問到是否由歌手吳克羣介紹認識？她說：「同佢冇關，超蓮同佢完全冇發生過任何嘢。」有傳超蓮被擺上枱讓傳媒拍攝，吳辰君語帶雙關說：「你哋問番佢（男方）！我同超蓮每次一齊都好放心，冇人影到。」

至於會否介紹男士給超蓮認識，吳辰君說：「唔需要，佢仲讀緊書，會自己識男仔。」而她透露已有男友，但不考慮閃婚：「唔會好閃，（富二代？）佢有份工、上進心、責任感、孝順父母同對我好已經好夠。（男友係邊個？）係幾好嘅人，結婚會公開。」