陳奕迅無懼吊斷威吔
「肥仔」陳奕迅自認身材標準，吊威吔跟大哥洪金寶一樣沒有問題，更笑指桂綸鎂及Angelababy身形全部過瘦。
陳奕迅（Eason）前晚偕郭富城、林海峰、蔡一智及楊汀叮等出席電影《全球熱戀》首映，Eason直言演員太多，至今未試過齊人宣傳，更說：「桂綸鎂同Angelababy都未試過睇首映。」提到片中有大量威吔戲時，Eason急不及待發表「身形論」：「依家科技好先進，吊威吔唔係淨係吊住兩點，有幾個位，以我嘅體重應該唔會斷，洪金寶大哥都冇事啦！不過如果吊桂綸鎂同Angelababy就好易，佢哋咁瘦，但我呢啲先係標準，公認o架啦！」
關心陳志雲健康
此外，提到陳志雲要再面對律政署上訴，Eason說：「每個人做嘢都有原因。（陳生喺度可以幫助解決四大唱片公司糾紛？）喺我嘅角度，公事上唔係好清楚，總之陳生係我朋友，我只會關心佢嘅狀態同健康，希望佢冇事啦，其他嘢都唔重要。」
陳奕迅自稱體重是公認的標準，完全無懼吊威吔。
林海峰（左）與導演夏永康一同出席首映禮。
楊汀叮（右）與女演員齊出席撐場，桂綸鎂與Angelababy卻未見現身。