鄭裕玲做當奴阿占契妹

鄭裕玲（DoDo姐）下周一開始與DJ Donald（當奴）及少爺占（阿占）開咪做節目，三人昨日出席記者會宣傳節目。DoDo姐透露酬勞合理，問到如何打動她做主持？她說：「都係睇自己，同埋之前同佢哋合作過好愉快，大家轉數差唔多，節目喺下晝又就到時間！」適逢昨日是DoDo姐生日，她希望身體健康，以及節目做得愉快，並把記者會當慶祝會。當日三人更舉行上契儀式，DoDo姐認當奴和阿占做契哥。

提到有報道指蔡依林與她愈來愈似樣，並登了她的相片作對比，她說：「梗有相影得難睇，希望之後影得靚啲！（覺得大家似樣？）唔似！唔覺佢個樣僵硬，張相表情太多添呀！」

Donald（右）及少爺占斟茶給「契妹」DoDo姐。