樂易玲流TVB血挖都唔走
謝天華、陳法拉、黃宗澤（Bosco）及徐子珊等逾三十名演員，昨晚與二百名觀眾齊集九展，收看《潛行狙擊》結局，但風頭卻被傳即將重金過檔的無綫高層樂易玲一句「我流住TVB嘅血」搶盡，她說：「你哋好想我走咩？高薪挖都唔走，我流住TVB嘅血！（同陳志雲相處融洽？）不嬲都融洽，外邊講到我哋好似套劇咁，我入TVB八年，以前我會嬲，依家EQ高咗，當炒熱年尾頒獎禮。（志雲案律政署提上訴？）唔知啦，我照常返工開會。」
而天華與Bosco則扭擰不肯露點答謝觀眾，天華說：「個劇反應好好，破咗好多紀錄。（攞視帝？）信心大咗，起碼叫有資格先！（想開續集？）觀眾想睇自然會開。」法拉則否認在微博踢爆傳不和的諸葛紫岐已婚，她說：「我冇寫過，唔想講，怕多是非，都係講番工作。」子珊則說：「如果下個劇又係同男對手咁多咀戲，我怕冇男仔肯要我！」
身為劇集女主角的陳法拉悉心打扮到場。
徐子珊（左起）、謝天華、黃宗澤及樂易玲齊齊與觀眾收看劇集結局。
樂易玲