陳嘉寶做「姊妹」分享喜悅

對於Mr.成員Tom與陽光妹Leanne宣布將為人父母，Leanne好友陳嘉寶（Anjaylia）表示恭賀：「之前佢（Leanne）有同我講，戥佢開心！（會唔會做伴娘？）唔會，應該只係做姊妹。（羨唔羨慕？）羨慕o架！所以依家努力搵緊。」

而o靚模余曉彤（Hidy）昨日出席代言服裝品牌記者會，提到Tom與Leanne的婚訊，她說：「同Leanne識咗好耐，早年一齊拍過廣告，聽到消息好突然，唔通一次見面，兩次熟落，三次米已成炊？可能係意外，或者好鍾意個男仔，愛情好難講。」至於同場的男子組合Bro 5成員Dominic及LaYing，曾與Leanne跟同一個老師學戲，糖妹緋聞男友Dominic說：「第時個BB咪可以飲住檸檬茶打鼓？我擔心Leanne嘅同時又祝福佢，會Send短訊畀佢。（幾時到你做爸爸？）工作啱啱起步，起碼30歲先諗！」LaYing則說：「我唔明細路女點解變咗媽媽，保守又點解變咗激情，聽到消息都呆咗！」