冬甩熱舞飛甩踭

o靚模組合冬甩及Fantasy日前上船登台，表演熱舞時落力瞓地騷長腿，何綽菲（Alina）更跳到甩鞋踭！表演完畢眾女食大餐來慰勞，然後唱K談心直落，玩到天光！

日前o靚模組合冬甩及Fantasy在尖沙咀上船準備登台，二十多名粉絲前來送行。她們上船綵排約兩小時後，於晚上表演勁歌熱舞，為令觀眾熱血沸騰，她們毫不錫身，又瞓地又騷長腿，更拉現場觀眾上台齊齊跳舞，「E Cup官恩娜」何綽菲（Alina）更跳到甩鞋踭，她說：「呢對仲要係新鞋！可能頭先跳得激得滯！好彩工作人員話會幫我黐番佢。」

Gossip到天光

落力表演過後，眾女馬上到船上中菜館大擦一番，食飽飽各自活動，大師姐胡心諾（Rainbow）帶住Alina、周梓盈（Ice）及陳芷敏（Elke）唱K鬥歌喉，然後入房食零食談心，Rainbow直認甚少時間跟師妹交流：「今次可以乘機增進感情，女仔都係鍾意坐喺張床度，邊食零食邊講秘密！」她們愈傾愈興奮，到天光都不肯入睡。翌日落船時有多名粉絲接船，但她們已疲態盡現，有些更要靠太陽眼鏡遮蓋熊貓眼！