白健恩「臀」積居奇

港男白健恩即將推出電子書，着泳褲盡騷六舊腹肌。身形Fit爆的他早前獲藝術電影導演邀露股演出，但最後婉拒好意，欲留待日後才大膽演出。

除了o靚模露事業線夠煞食，型男露腹肌亦一樣有叫座力！練得一身好「舞」功的港男白健恩（小白），打算本月底推出電子書，早前已於海灘拍攝一輯充滿陽光氣息的泳褲照，盡騷努力經營的六舊腹肌：「除咗睇相外，我仲拍咗幾段短片，包括我嘅訪問同跳舞片段，今次主題係講『夢想』，想話畀人知要堅持追尋夢想，好似我咁！雖然18歲先開始學跳舞，但只要堅持就可以做到。」他希望將版稅撥捐慈善團體，幫助貧困小朋友實現夢想。

自認屁股夠圓

現時，小白間中客串無綫電視劇，但他最想是拍電影，日前終獲藝術電影導演睇中，邀他作露股演出！問他最新「股」情，他含蓄地說：「都幾圓嘅！但最後都推咗，因為我都算係新人，觀眾都未認識我，唔想咁快就有咁大膽嘅演出！」若將來再獲邀參演拍攝裸露角色，他會考慮拍攝目的：「我會睇吓場戲係咪真係要露，最重要唔好用色情角度去睇！」