盧凱彤視盧廣仲靈魂伴侶

「結他女神」盧凱彤（Rockmui）在台灣發展，認識好友盧廣仲，對方不時約她食早餐、刨冰和玩結他，非常Friend底！連Rockmui都覺得與他有緣，是靈魂上的伴侶。

盧凱彤在台灣發展，被稱為「結他女神」，意為現時樂壇結他功力最高的女歌手，她謙稱自己遠遠不及好友兼台灣歌手盧廣仲：「佢結他勁我10倍，我哋喺台灣成日交流音樂。（佢有冇約你去街？）佢成日約我食早餐，我哋都係好注重健康嘅人，早睡早起！（佢追你？）一定唔係，我哋只係有緣分、好夾，佢的確好可愛，但係我哋最多只係靈魂上嘅朋友。」

彈結他被Fans圍

問到與盧廣仲有否難忘回憶？Rockmui說：「有一次同佢食完刨冰，去咗李宗盛嘅結他店玩結他，嗰時有好多Fans圍住，然後佢哋走晒之後，我哋每支結他都試、狂彈，好開心！」但她再次強調兩人不是「那種」關係。

至於Rockmui此名的出處？她稱該名字是10年前、15歲出道時，幫自己開的公司名，今年第一年以個人身份出道，故希望以此名出產品，如T Shirt和書等。提到出產品以外的工作，她說：「聽日（9月10日）有個騷會同好多地下樂隊合作，另外本月開始會去內地出騷，11月再同黃耀明、許茹芸合作舞台劇。」