周子揚任達華肉緊鬥戲
歌手周子揚早前密密拍戲，他表示拍《大追捕》時與任達華及張家輝兩位影帝級人馬合作，十分興奮：「同佢哋一齊演真係獲益良多，拍嗰陣都零舍肉緊，喺佢哋身上學到好多嘢！」子揚大讚華哥毫無架子：「佢係我偶像嚟o架！細細個就睇佢拍戲，佢好型、好Man，拍戲時仲畀唔少意見同心得我，戲內我同佢有好多對手戲，真係好開心，學到好多嘢！」
子揚透露戲中飾演警察，經常要跑來跑去捉賊，當中有不少難忘片段：「最記得有幕我哋要係咁跑，拍之前我哋食咗Pizza，最後有人跑到嘔，成個Pizza嘔番出嚟！好彩我平時都有做開運動，如果唔係實嘔埋一份！」
周子揚（中）在片場與偶像任達華打成一片。
周子揚（左）從影帝張家輝身上獲益良多。