BOYZ重組舞技大躍進

男子跳舞組合BOYZ今年無心插柳之下重組，外界反應理想，雖然已有多年沒有一齊踏台板載歌載舞，但關智斌（Kenny）和張致恒（Steven）默契依舊，絕不生疏！

經過八年的風雨洗禮，組合BOYZ已由昔日的仔，變成Man爆型男，Kenny還變成大隻仔，他歸功於經常運動，Steven更笑Kenny似再度發育，Kenny則解釋：「我冇成日去健身室做Gym，反而去滑水同踩單車。」

BOYZ再合體後的新作《Ready to go》反應理想，令兩子注下強心針，今年將推出專輯，Kenny說：「其實BOYZ已經六年冇推出專輯，今次真係無心插柳嘅。」

默契依舊添信心

雖然久未一齊踏台板演出，但兩子默契依然，Kenny說：「我哋六年嚟唔係成日一齊做嘢，但冇影響大家默契，因為平時都有見面。（有冇爭拗？）冇喎！Steven呢幾年講嘢叻咗好多，而且有說服力，擅於表達自己，可能同信主有關。講真我以前唔太信任佢，亦唔放心畀晒啲嘢佢做，但依家我好信佢，今次新歌隻舞仲係由佢負責晒。」在旁的Steven則坦言向來視Kenny為哥哥，又大讚Kenny舞姿進步神速：「佢以前跳到好似跳舞機咁，依家跳得好咗。」