胡諾言湊女放學玩人肉鞦韆
胡諾言的女兒芷苓剛滿兩歲，適齡入讀幼兒班，日前他與太太陳琪接女兒放學，芷苓蹦蹦跳拖着父母手盪鞦韆，十分可愛！胡諾言說：「佢返學做父母嘅都緊張o架！不過佢都算聰明伶俐，返學冇喊冇扭計。」
問到可希望女兒當童星？胡諾言說：「咁又冇諗過，細個玩吓就可以，大個就唔好喇！都係畀心機讀書，做呢行好講際遇，希望佢做個有內涵嘅人！」提到與「視帝」黎耀祥在《造王者》多對手戲，他說：「如果對手戲嚟講今次都係第一次合作，祥仔唔使講係好好嘅演員，壓力就冇，希望喺佢身上偷到師啦！佢無論事業家庭都兼顧得咁好。」
