梁漢文奪健仔寶貴第一次

梁漢文踏入人生第二個黃金10年，現年39歲的他花了一半時間發展其歌唱事業，視剛推出的新碟為代表作，更請得好兄弟張衞健獻出處男第一擊！

梁漢文（Edmond）本月推出相隔年半的大碟，問到為何取名《#20》？他說：「因為今年係我入行20年，更係我第20張唱片，所以『20』對我嚟講特別有意思。」亦因這個「20」，他請來相識近20年的好兄弟張衞健（Dicky）合唱國語歌《一夜年少》：「Dicky獻出寶貴第一次畀我。」為完成這紀念作，除Dicky在北京趕拍劇期間抽空外，他更專程飛往北京跟好友齊齊錄音。

唱盡80後懶音王

一向被封為「情歌王子」的Edmond，指新碟除談愛情外，亦希望可以帶出其他訊息，故他構想出《懶音哥》、《一再問究竟》及《超等後座》等，他又說：「《懶音哥》係我同一班80後年輕人踢波，之後同佢哋傾偈時諗出嚟嘅，原來依家啲後生仔，講嘢有好多懶音。」

Edmond指新碟封面上其西裝上的僭建物，其實不是積木，而是類似積木的扭計骰，他笑說：「我諗過有乜嘢可以代表70年代，諗諗吓，覺得扭計骰好有代表性，我相信我哋嗰個年代冇人冇玩過扭計骰！」