楊秀惠結婚靠一時衝動
楊秀惠與圈外男友感情穩定，最近妹妹亦將出閣，她坦言父母亦有越洋逼婚，她說：「唔介意妹妹爬頭，佢天生少奶奶命，一向唔使做，反而爸爸擔心啲，成日有意無意傳短訊問我幾時結婚，我就借啲意唔覆佢，哈哈！扮到好忙咁！」她表示與男友有傾過將來，希望可以簡單旅行結婚！但她相信結婚要看緣分，她笑說：「哥哥見妹妹結婚咁開心，最近又求婚成功，我知佢原本冇呢個計劃，所以我相信結婚都係靠一時衝動。」
另外，秀惠最近連接兩部電視劇，時裝與古裝交替，她坦言有時會令她思緒產生混亂，她笑說：「每次拍喊或者感情戲令我最頭痛，為投入角色，我會幻想一段愛情故事，時裝要諗Baby好掛住你，但古裝就要用愛人好思念你，搞到我時空交錯，所以每日開工前都要一啲時間靜思。」
楊秀惠雖然被爸爸越洋逼婚，但暫時未有此意。