組合糖兄妹成員黃山怡（Kandy）昨日出席蠟像館活動，被造型嚇人的怪物捉住兼上鎖，她只顧傻笑，連嗌都不敢嗌！糖妹自爆一向怕鬼，連去錄音室都怕：「拍檔阿峰話我哋個錄音室門口走廊，成日有個光頭阿伯巡樓，門口又有道符喺度，搞到我勁驚，每次夜晚錄音都要阿峰陪我上去！」
糖妹透露每年萬聖節都會扮鬼扮馬出去玩，去年扮巫婆，但被化妝品弄致皮膚敏感：「今年一於扮糖兄，咁樣搞笑啲！（拉埋男友入鬼屋玩？）多數係搵成班女仔入去，唔好蝕底嘛！」
糖妹表示不會找男仔陪玩鬼屋，以免蝕底。
