佘詩曼到成都出席鞋店Joy & Peace的花生騷活動，她自言現實中是鞋癡一名，家中儲了數百對鞋，每次出街最少會買一對鞋回家，她說：「我自己都控制唔到，想快啲醫好呢個病！」她表示家中最貴的一對鞋價值二萬元：「有啲鞋買咗兩、三年都未着過，但又唔捨得送畀人。」
對於律政署向無綫業務總經理陳志雲的涉貪案提出上訴一事，阿佘初時顯得一臉愕然：「我唔知喎！咁會點o架？唔係已經審咗嘞咩？冇事嘅！（問候佢？）我係證人，唔可以做呢啲嘢，應該冇事嘅！」
阿佘穿上短裙，大騷白滑美腿。
