古天樂屋企打躉：我唔Dry！
戴着護腕及護膝、撐着拐杖的古天樂前晚由保安人員傍實，出席主演電影《竊聽風雲2》慶功宴，席上還有吳彥祖、葉璇及監製爾冬陞等。古仔透露腳傷至今休息了一個月：「喺屋企成日睇劇同瞓覺，做輕微工作。（請私人看護？）唔使！（搵女性物理治療師？）我唔Dry！（識女仔？）冇！主要休息同運動，每日做物理治療練吓隻腳，間中同朋友食飯。」
提到將與陳慧琳演賀歲片《八星抱喜》，他表示會盡量夾時間，因要做物理治療，不覺得今次休息損失很多：「好多工作冇推，只係延遲，小病是福！」而日前賣樓勁賺後，他暫未有計劃再買樓。另外，《竊2》在內地票房逾二億元人民幣，在港亦已破兩千萬港元大關，打破上集紀錄，導演莊文強及麥兆輝表示，希望《竊3》三位男主角再合作掀話題！
古天樂（右）撐着拐杖與吳彥祖出席慶功宴。
葉璇穿上Tube Dress，盡展性感！