「狂派」胡杏兒盯死視后

胡杏兒、李詩韻、李思捷和「藍莓」劉俐等為新劇《換樂無窮》在將軍澳電視城進行開廠拜神儀式。對於有傳陳法拉得新老闆「殼王」陳國強力撐，「視后」呼聲最高，杏兒說：「都唔知真定假，今年個個都幾好，法拉好，鍾嘉欣都好。呢個獎雖然係多年目標之一，唔敢話自己年資最高，獎項都係平常心看待。」對於律政司就陳志雲涉貪案上訴，杏兒希望對方能安然過渡。問到杏兒屬於陳志雲還是樂易玲的黨派，她笑說：「公司冇分黨派嘅，我係狂派！」

至於日前出席活動時身體不適需召救護車送院的劉俐說：「之前一向有胃痛，監製見我痛到標晒冷汗就話一定要Call白車，係自己諗包住頭上救護車。」並表示緋聞男友林峯未有慰問。

胡杏兒祝福陳志雲安然渡過一切難關。