恭喜Ronald再婚阿Sa恨做多仔婆
Twins成員鍾欣桐（阿嬌）和蔡卓妍（阿Sa）昨日出席活動，阿Sa對於前夫鄭中基（Ronald）承認已與太太余思敏在家註冊，阿Sa恭喜說：「祝佢幸福，依家佢身份唔同，係一個好勝任嘅爸爸。」她坦言有打算生BB：「我應該唔止生一個，隨緣啦！等個天注定。」問到會否羨慕Ronald快做爸爸？她說：「呢個時間我仲未適合做媽咪。（送咗禮物畀Ronald BB未？）未呀！日日被追訪，依家送好似好尷尬，遲啲會補送BB嘢。」阿Sa笑指自己身形瘦削，很難做「多仔婆」：「不過媽咪都勉勵我，話佢生完身材好咗好多，我諗我生完會有好深嘅事業線。」
阿Sa恭喜前夫鄭中基再婚，更坦言恨生BB。
阿嬌（左）和阿Sa出席時裝活動時，在台上不時密斟。