Rick Chin撐Lucas有返學
栢芝好友兼星級化妝師Rick Chin前晚出席活動時透露，栢芝兒子Lucas每日也有上學，並十分喜歡學校生活：「Lucas尋日放假，我帶咗佢去玩，佢話自己好乖，喺學校學咗好多字，又講中文，仲識咗好多朋友。」不過，栢芝為免引起混亂沒有送兒子上學，他無奈地說：「如果日日都有記者，都有啲驚，栢芝擔心其他家長會投訴。小朋友需要群體生活，栢芝同霆鋒都想個仔有一個好嘅成長環境。」
至於霆鋒好友祖名揚言撐霆鋒，昨日他接受訪問時說：「我並唔係話幫邊個，只係我同霆鋒自細相識，佢一直好撐我，所以今次我都撐佢。我哋平時通電話唔講家事，只講打機！」至於他被傳與台模蘇子賢拍拖，祖名感嘆地說：「就算真心追女仔，對方都唔會忍受到我咁多花邊新聞！」
Rick Chin出席活動時透露，Lucas每日也有返學。