「十二年冇一齊過」婷婷生日全家到賀
剛剛度過生日的謝婷婷，昨日出席ICE Watch活動時自爆，今年能和家人一起慶生日，感到十分滿足。大會安排了一名赤裸上身，並畫上了生日蛋糕的男模特兒為她慶祝，婷婷象徵式用手捽男模胸部的蠟燭當吹蠟燭，尷尬面紅。她表示因為要通宵拍戲，因此已提前與家人吃飯：「多過十二年冇一齊過，真係好開心。（收到咩禮物？）哥哥（謝霆鋒）送咗部電視畀我，佢叫我去揀，媽媽用中文寫咗張生日卡畀我，讀畀我聽，等我學中文，爸爸送咗個人畀我。（傾乜？）有爸爸喺度，全程講笑，好開心，哥哥亦好快樂，不過如果Lucas同Quintus都喺度就更好。」
記者提到Lucas被本報拍得於校車上撩外籍女同學傾偈，她即笑說：「識多個朋友梗係好！」另外，她否認早前拍戲不斷NG一事。
赤裸上身的男模畫上生日蛋糕為婷婷慶祝。