鄭中基晒婚戒註冊搞喊老婆
鄭中基在首映現場與栢芝雞啄唔斷，問到「有乜咁好傾」？中基即搞鬼說：「栢芝話我個頭似貓王，人哋占士甸嚟吖嘛！」記者問他與栢芝是否「冇嘢」，中基即八卦追問：「有咩？」記者指二人曾傳緋聞，中基聽畢即「唓」一聲，場面搞笑。
中基前晚甫抵達現場，即笑言要與王晶密斟，記者取笑他急着賺奶粉錢，他連說三聲「係呀」：「依家BB要減肥，十一磅幾，佢出世時得五磅幾。」中基坦言恨追多一個，可惜醫生開紅燈：「因為太太開刀，最快要一年後開工！」問是否心急追仔，他說：「冇乜所謂。」他又指現時外出工作會掛念BB：「之前聽吳君如講都唔信，但真係o架！幾日唔見BB連個樣都唔同咗。」他自爆七月二十二日在家中註冊，他與太太余思敏均有穿禮服，還表示要待BB識行才補擺喜酒。至於註冊時有否感人場面，他明顯不願多談，只肯透露新娘子喜極而泣。
切月餅後有條狀餅碎「動L」，栢芝和鄭中基相視而笑。