DaDa冧Gary藐王宗堯

陳靜（DaDa）前晚與Square成員Gary出席首映，雖然拒認復合，卻狀甚親暱！反觀對住另一舊愛王宗堯，DaDa卻視如陌路。

前晚DaDa、Jeana、Phoebe、楊愛瑾、王宗堯及Square成員Gary等出席電影《喜愛夜蒲》首映禮，其中Jeana穿上低胸短裙咪咪Big爆，令氣氛火辣辣！

Jeana Phoebe扮老友

DaDa與Gary全程恍如孖公仔般，卻視另一前男友王宗堯如陌路人！不過，在台上為了「交戲」，DaDa焗住黐實王宗堯，但轉到台下二人即時冇偈傾。問到是否與王宗堯交惡？她矢口否認，只表示與Gary比較熟落，但二人又連聲否認有機會復合。

至於被指不咬弦的Jeana與Phoebe放下恩怨，應記者要求大方來張「世紀合照」，Jeana還搭着Phoebe膊頭扮Friend。記者讚Jeana夠大方，她即衝口而出說：「唔通喺台上打交咩？（台下就會？）唔係咁嘅意思。（同Phoebe係朋友？）只係唔同公司嘅同事，係同行囉！」由於片中有情慾戲，她表示不想男友一同出席首映禮，以免被詐型。