蔡少芬湊女呻肉痛
剛誕女三個月的蔡少芬昨日出席保險公司活動，自爆成功收身全靠重磅囡囡，令她日日舉重，加上餵人奶做到「收身不降Cup」。提到為愛女推掉不少工作，蔡少芬直言肉痛：「香港同內地都推咗好多。（損失七位數字？）哈哈！一部都唔止啦！係有啲肉痛㗎！依家都有傾緊。」她還透露囡囡很愛看電視：「飲奶都望實個電視機，我咪畀佢睇《洛神》，等佢睇吓媽咪幾靚女。」
談及志雲強勢回歸，蔡少芬坦言屬無黨派人士，與無綫仍有三部合約，問到是否等女兒長大些才重投工作，她說：「唔得！坐喺度會死㗎！依家會拍吓廣告同出席活動，等個女半年後戒奶就會活躍番。」她不介意一家三口接工作，可以當作美好回憶。另外，老公張晉昨日在微博表示獲章子怡送贈BB車，還上載女兒坐上這份禮物的照片。
蔡少芬出席保險活動時透露，女兒未出世已買定保險及基金。