鋒芝明年開個唱打對台
張栢芝正積極籌備新歌再戰樂壇，早前有內地製作公司出高價800萬一場，力邀她舉行內地巡迴演唱會。但栢芝方面覺得暫時還未是一個合適的時間，反而她希望明年舉行一個以友情為題的演唱會，力邀徐熙媛、徐熙娣、范瑋琪和范曉萱等好友齊獻唱。無巧不成話，早前英皇高層吳雨曾指霆鋒想開個唱，兩人大有機會打對台！
對於最近有內地公司以高價力斟栢芝開內地巡迴個唱，其經理人公司新亞洲娛樂老闆余毓興說：「冇錯，最近確實有人出高價想搵栢芝開個唱，但栢芝覺得未係時候，反而明年想搞一個派對形式嘅演唱會，但細節仲要傾。（有機會同霆鋒打對台？）栢芝同霆鋒嘅市場都唔同，霆鋒都好耐冇開個唱，一定好受歡迎，希望大家百花齊放，個個都好啦！」
再戰樂壇的栢芝，希望明年舉行演唱會。 （資料圖片）
霆鋒亦有意開個唱，與栢芝大有機會打對台！（資料圖片）