莊思明：家姐唔諗復合
對於莊思敏與吳浩康（Deep）拍拖五年但分手收場，港姐妹妹莊思明（Lisa）也大感可惜，她表示因姊姊的關係而認識Deep，並讚對方是好男仔：「覺得好可惜，始終大家經歷咗咁多。（佢哋成日鬧交﹖）每對情侶都會，但佢哋每次鬧完，好快就冇事。」問到會否希望二人復合？Lisa坦言尊重姊姊的任何決定，外人很難給予意見：「無論係佢哋拍拖定分手，只要佢哋開心就得，我唔想佢哋為一齊而一齊，最重要係覺得舒服。我知道佢決定分手係考慮咗一段時間，所以家姐短期內都唔想諗復合呢個問題。」
Lisa知道姊姊分手後，也有以短訊慰問，但不敢多問，以免增加對方壓力，問如何鼓勵姊姊？她說：「我知道佢依家心情OK，佢嘅性格好堅強，而且佢近期好忙，所以冇乜時間去諗呢啲嘢！大家兩姊妹，總之一切在心中，唔需要講太多，無論點我都會支持佢。」
莊思明認為外人難給意見，但無論如何都會支持姊姊。（資料圖片）
