夫妻宮相沖
莊思敏和吳浩康拍拖五年，當中雖經歷不少風雨，兩人仍共度時艱，但五年情最終要分手收場，令人不勝唏噓！至於兩人最終能否復合，玄學家麥玲玲分析兩人的命格後說：「唔係咁睇好！」麥玲玲指莊思敏肖猴，命格是選擇異地姻緣較好：「佢夫妻宮相沖，每次拍拖就算拍幾多年都好，始終都會分開吓，兜兜轉轉又喺埋一齊，最後可能又要分開，我睇到佢舊年同今年有感情分離迹象！」
麥玲玲認為莊思敏和年幼三年的吳浩康有緣分：「莊思敏係傾向同細過自己嘅男仔一齊，而吳浩康同屬猴嘅女仔係有緣分啲，不過我睇到莊思敏出年有新嘅姻緣，同埋吳浩康後年先有。我唔知佢哋呢兩年有冇分開過，如果有，依據莊思敏呢兩年嘅分離迹象，未必會一齊，最後佢哋係咪復合到老，我個人唔係咁睇好！」
麥玲玲批莊思敏與Deep夫妻宮相沖。（資料圖片）