Amanda S.做喊包新娘

混血模特兒Amanda S.與男友Christian結束九年愛情長跑，將於下月11日在意大利舉行婚禮，昨日兩人正式在港簽字訂盟誓成為合法夫妻，兩人還選了初次約會的地點及桌子舉行儀式，十分有意思，新娘子Amanda更感動得哭成淚人，場面感人！

上月Amanda S.實現了開法式甜品店的夢想後，昨日再走進人生另一階段，與拍拖九年的男友Christian Cappelli成為合法夫婦。兩人在中環一間私人會所的餐廳舉行結婚簽字儀式。出席親友約五十多人，除了Amanda 的母親及Christian專程從意大利來港參加儀式的父母外，新娘子的好友楊其龍及郭永亮夫婦等亦有到賀。

定情地簽字結婚

簽字前，Amanda不忘先返舖頭打點，然後極速以三十分鐘完成化妝Set頭及揀選服飾等，她穿上淺紫色Alaia及膝裙襯六吋高踭鞋，高貴優雅。

簽字儀式於中午十二時開始，當Christian宣讀誓詞後，Amanda已感動得雙眼通紅，其後Christian說：「我哋選擇喺呢個地方舉行重要嘅結婚簽字儀式，因為我哋開始情侶關係都係喺呢一張枱。」聽罷，Amanda感動得哭成淚人，哭了分半鐘才平復，場面感人。儀式完成後，一對新人甜蜜咀嘴，又與雙方家長擁抱，其後眾人一同享用午餐及祝福一對新人。而Amanda的師傅、四季酒店的甜品總廚送上親手炮製的士多啤梨結婚蛋糕祝賀兩人，一對新人完成切蛋糕儀式後，近三小時的派對亦圓滿結束。