葉佩雯抱病撐場
葉佩雯（Grace）前晚在男友郭偉亮陪同下出席好友謝霆鋒的生日派對，她受訪時表示由於患呼吸道感染已個多月，故當晚只逗留片刻。問到送甚麼禮物？Grace說：「冇呀！唔使啦！（祝福呢？）都係Happy Birthday！（有冇提起栢芝？）唔好講呢啲啦！我哋都係傾吓閒偈。」問到霆鋒心情如何？她只稱沒有特別。
另一出席藝人伍允龍表示，與霆鋒很久沒見，難得到霆鋒家食飯賀壽，並送上鍛煉手前臂的健身器材作禮物。他透露當晚與壽星仔暢談功夫經，問到對方的兩位寶貝仔可在場？伍允龍只笑而不答。
另外，霆鋒的經理人霍汶希透過微博送祝福：「大家一起祝霆鋒生日快樂吖，happy31！」同公司的古巨基留言：「因工作晚來了，祝霆鋒每天快樂。」另一「死黨」陳奕迅則說：「開心就好喇！」