Jeana酸爆：咁咪好囉！
曾與Avis傳緋聞的o靚模何佩瑜（Jeana），得悉Avis陪女友看醫生後出言狂寸：「咁咪好囉！有人睇住，唔使再整親！」問到是否真的嗒Avis糖，她卻即時落閘：「依家天氣熱，好少食甜嘢。」
她在處女電影《喜愛夜蒲》中飾演一名開放的女子，但強調現實中絕不玩一夜情。自認保守的她透露，拍床戲時戰戰兢兢，除刷定牙外，還自備香口膠去口氣：「埋位時幾緊張，但愈緊張就拍得愈耐，所以決定豁出去，當正Jason（陳柏宇）係男友！」她還自爆拍畢床戲後叫救命：「雖然打咗底，但都好尷尬，猛嗌救命等啲工作人員畀件衫我披！」她更花了數天才能忘記床戰畫面。
傳嗒Avis糖的Jeana，談及Chrissie時酸溜溜。
（資料圖片）