最近甚少露面的影星尹揚明，被指日前搭港鐵時與男乘客爭位而發生打鬥，記者昨日致電了解，他澄清絕對冇爭位：「當晚我飲咗酒好攰，除咗鞋放對腳上對面位抖吓，有個紋身男人話我身為藝人點點點。我知道係唔啱，但佢講完又講，又話『除埋條褲吖』又問候雙親，郁手郁腳，惟有武力解決！最後雙方和解，皮外傷冇大礙，冇睇醫生。（生意同太極會務受影響？）又唔係偷唔係搶，我有同師傅講唔好意思，佢話冇所謂，一切正常。」