Ana R.驚訝姪仔冇血緣關係
向來姊弟情深的名模Ana R.，昨日煩惱地表示弟弟最近發現跟前妻所生的十二歲兒子，原來並非親生骨肉，令全家晴天霹靂！她說：「細佬離婚後一直撫養個仔，直至三、四個月前，佢前妻突然要攞番撫養權同埋驗個仔DNA，點知原來個仔同細佬完全冇血緣關係！細佬真係好唔開心！全家抱頭痛哭，但佢好堅定咁話：『無論點都好，佢都係我個仔！』」她透露弟弟一直全力照顧兒子，感情深不可分，即使沒有血緣關係也不緊要，並指姪仔已知道這個消息：「姪仔好驚訝，唔知點面對，呢件事對佢嚟講係好大件事，會影響佢一生。」而Ana的經理人表示她雖然有意返回美國為弟弟分憂，但現時計劃留港多接工作，若弟弟要打官司，也可在金錢上支持。
場地：Indochine（蘭桂坊）
Ana R.留港密密接工作，希望搵錢幫細佬！