許亦妮懶理雙朱玩杯葛死撐好Friend

三位應屆港姐出爐沒多久便有是非，有傳冠軍朱晨麗及亞軍朱希敏連成一線排擠季軍許亦妮，但前晚「雙朱」出席活動時否認，更指三人感情OK，只是傳媒拍不到她們的親密照。

朱晨麗及朱希敏前晚孖住到蘭桂坊出席活動，不過盛傳被「雙朱」排擠的許亦妮卻不見蹤影。一直於外國生活的朱希敏透露，

4、5年前返港時曾與一大班女性朋友到蘭桂坊，但事隔多年，已記不起有否被男仔撩。

唔知蔡慧欣緋聞

提到許亦妮未有到場，港姐保母表示大會只邀請「雙朱」，二人對此亦表示不清楚。對於排擠許亦妮之說，「雙朱」異口同聲否認：「親密時影唔到啫！其實大家（感情）OK！」問到三人有否私下相約活動？朱希敏說：「大家咁忙，有時間都瞓覺啦！」

而「雙朱」昨日終偕許亦妮出席骨髓基金活動，事後許亦妮受訪時否認被排擠：「嗰日我唔得閒冇去到。（有冇解釋番件事？）唔需要囉！」朱晨麗表示不知道同屆港姐蔡慧欣及羅仲謙的緋聞，問到早前港姐到台灣拍外景，他倆是否異常親密？她說：「都係平常做嘢。（謙仔有冇問你攞電話號碼？）冇！平時咁，都掛住瞓啦！」