梁嘉琪迷醉眷村畫世界

向來對台灣情有獨鍾的藝員梁嘉琪，早前獨個飛往台中「探秘」！首度踏足台中的她透露，最難忘是當地逐漸式微的眷村：「眷村係台灣獨有文化，而我因為某啲原因對眷村產生咗興趣，所以一知道台中有眷村，就唔理幾咁偏僻都要去！」她指該眷村特別之處，在於有個80歲才愛上畫畫的退役老兵「彩虹爺爺」，他為了讓村民更開心，將整條村每個角落都畫滿圖畫，令她感覺恍如置身童話世界。

嘉琪表示離開眷村時，與「彩虹爺爺」有過一面之緣，可惜最終卻「走寶」未能合照：「當時有個老伯拎住條毛巾抹汗，知我係遊客就同我講咗幾句，後尾有人話我知佢係『彩虹爺爺』，我即刻追出去想話影合照，不過佢已經唔見咗！」

最愛搭巴士

除了眷村，嘉琪還到訪台中著名的東海大學，由於她全程打扮得極隨意，不少人均誤會她是學生，令她啼笑皆非：「竟然有人問我路，你話係咪搞笑？」她又指旅行時最愛搭巴士，皆因可體驗更多當地的生活文化：「搭巴士除咗可以沿途欣賞到大街小巷外，仲會見到好多買完餸嘅姨姨，或者返學放學嘅弟弟妹妹，令人有真正嘅融入感！」