諸葛紫岐台式大搜「茶」

名模諸葛紫岐身材Fit到漏，但原來是大胃王一個！早前在台灣拍劇時，她一嘗珍珠奶茶的味道，更吃了不少地道小食，返港後久久未能忘懷，故四出尋找啱胃口的珍珠奶茶，補償對台灣的思念及失落感！

文：名人組

珍珠奶茶在香港成行成市，但原來諸葛在香港幾乎未嘗過，記憶中只喝過一口！不過，早前在台灣與楊謹華拍攝台劇《幸福三顆星》時，她終嘗到地道珍珠奶茶，而且一試難忘！她說：「我平時只喜歡飲英式奶茶，我仲識得沖，沖得唔錯o架！不過喺台灣試過一次之後，發覺呢種奶茶幾得意，奶味好醇厚，而且珍珠咬落去好有咬勁，好驚喜！」

為男友煲愛心湯

返港後，諸葛對珍珠奶茶念念不忘，分別光顧三間台式飲品連鎖店，發覺每間的珍珠奶茶價錢幾乎一樣，都是廿蚊有找，但味道與口感卻大有不同：「有啲珍珠大大粒，有啲奶味好香好重，我問過原來其中一間特別用鮮奶去撞。好多報道都話有啲珍珠奶茶唔係用真正嘅鮮奶，但我試過之後，即刻信心返晒嚟！」她透露以往抗拒飲珍珠奶茶，是因為太甜：「搞到喉嚨好『漏』咁，要飲好多水清喉嚨！」

即將出閣的諸葛，原來很享受下廚，除煲湯及烹調撚手小菜外，她更會整愛心甜品：「男朋友最知我心意，只要一見我唔開心，帶我去食甜品就即刻笑番晒！」她認為要做一個好老婆，湯水一定不可缺少，故搜購大批烹飪書學習及向媽咪請教！

公主試味

諸葛公主試過三間台式飲品店的珍珠奶茶後，激讚用鮮奶炮製的最濃、最好味！