Fiona祖名坐埋贈興

歌手方大同前晚開騷，緋聞女友薛凱琪竟與房祖名雙雙捧場，二人排排坐又密密斟，未知是否要刺激台上的大同！

方大同（Khalil）前晚舉行一連三場的演唱會，雖然薛凱琪（Fiona）捧場兼任表演嘉賓，但竟與另一緋聞男友房祖名排排坐，並有講有笑！為免顧此失彼，Fiona站起來為台上的Khalil影相，並擔任嘉賓合唱《四人遊》，之後更握手及擁抱。事後，Fiona否認相約祖名睇騷：「我哋冇約，佢自己嚟嘅，我唔知佢今日睇！（唔知又坐隔籬？）朋友嘛！大家又係Artist！」

見證求婚感動落淚

另一邊廂，Khalil邀請一位歌迷上台唱情歌，但其後卻換上擔任和音的歌手徐浩繼續唱，徐浩更向該歌迷求婚，原來該歌迷是其女友！徐浩解釋預先跟Khalil夾定，在台上向女友求婚，令台下的Fiona及連詩雅感動落淚！提到徐浩求婚，Khalil說：「佢之前問我有冇可能，我覺得幾特別！」而Fiona就坦言非常感人，問到會否答應求婚？她說：「我覺得咁樣冇得唔應承囉！」