羅仲謙見「女友」邊斟邊笑
羅仲謙與傅穎的感情糾紛暫告緩和，他亦再次投入拍攝工作。不過，昨日他卻與另一位緋聞女友兼華姐張慧雯到海旁拍攝劇集《On Call 36小時》。現場所見，兩人沒有避忌及尷尬，不時有說有笑，羅仲謙更開腔否認曾追求：「傳聞中只有北京女友同傅穎係女友，其他被牽涉嘅女星都唔係事實。（合作感尷尬？）冇喎！尷尬就投入唔到角色，亦唔需要避忌。（點睇緋聞？）當笑話！外界點諗我控制唔到，我只可以係做好本分。（向被牽涉嘅女星道歉？）唔會刻意，見到面先會講。」
至於張慧雯坦言捲入緋聞漩渦感無辜：「經理人同我講先知有緋聞，我同佢（謙仔）只係片場見面，佢冇追我！（佢為人點？）好Nice，正人君子。（佢會使用暴力？）我覺得唔會，亦唔信囉！」
與傅穎的恩怨暫平息，羅仲謙開工有講有笑。
張慧雯大方搭羅仲謙膊頭合照，未有避忌。