Bro5沙灘晒肌La Ying激凸搶鏡

跳舞男子組合Bro5日前相約到沙灘騷肌，「大哥」La Ying以激凸搶鏡，而緋聞最多的成員Dominic則表示感情生活單調，現時只跟「自己」拍拖。

男子組合Bro5四子La Ying、Dominic、Ben及Kit J.，日前到沙灘同陽光玩遊戲，四子中以「大哥」La Ying身形最弗，胸肌和腹肌發達，他還成功激凸搶鏡；而四子中緋聞最勁的Dominic狂騷結實腹肌，先後跟糖妹、o靚模何佩瑜（Jeana）及余曉彤（Hidy）傳緋聞、予人花弗印象的他解釋：「朋友唔係男就係女啦！我同男仔出街冇人想影之嘛！（靚仔着數啲？）我又唔會咁諗。」問到是否特別鍾情大胸女仔？他笑說：「呢樣係男人天性，就算唔係（大胸）我都接受，唔會刻意揀大胸女仔。」他又坦言感情生活單調：「我依家同自己拍拖，我都想快啲有個畀我照顧嘅女仔出現。」

爭奪新人獎

另外，La Ying透露下月將會推出新專輯，屆時四子會以陽光動感形象示人，問到會否爭奪新人獎？他說：「都想嘅。」至於四子有否經常吵架？他說：「實有！唔Friend就唔會嗌交，因為大家有唔同Idea，唔講冇結果，不過嗌完就冇事。」